مدونتي ( العبر ... التسلية ... الثقافة ... الدين )

بحجز على لندن تذاكر وترحيل .... وآخذ بدل هالقلب قلب صناعي
قلب صناعي مابه احساس ويميل .... وطيفته للدم يعطي اندفاعي
والقلب الاول ارسله لك بمنديل .... واقول خذ هذا السبب في ضياعي

بعض العرب من جور الايام مجروح.... وبعض العرب دله وسالي ومرتاح
مرتاح ماشاف الطباشير واللوح .... ولا راح وقته بين تحضير وصياح
حصه نشاط وبالتعاميم مذبوح .... وبين الاحتياط وبين الاشراف سواح

خزنت لك بالقلب عشره ملايين.... ماهو رصيد فلوس لكن موده
زكاة حبك هي غناة المساكين.... من الساحل الشرقي الى حد جده
بمشي معك والله على العسر واللين .... الموت والمقسوم ماحد يرده

ابيك تدري صوتك العذب لاغاب ....احس نفسي تنكسر من غيابه
كذا غيابك للحزن يفتح ابواب.... غصب علي البس شقاه وثيابه
ادمنت صوتك وأن تثيقلت كذاب .... من يعشقك لاغبت يفقد صوابه

محد يشق القلب من غير تفكير .... حتى الكاتر ترتجف ثم تحتار
الحب يشق القلب من غير تخدير .... ويبني قصور بداخل القلب وانهار
هذي نصيحه قلتها بصدق وتعبير .... وارسلتها للي حافظن كل الأسرار !!

لا لاتلوم القلب يوم إنه اغلاك.... وش حيلتي مدام قلبي عصاني
غصب علي قلبي يوديني هناك.... جيت اشتكي لك من عذاب الزماني
ياروح روحي وش حياتي بلياك.... لاشفت زولك ارتبك في مكاني

ان غبت عني تظلم الدار والحي ... وإن غاب غيرك ماعسرني غيابه
أنا بدونك زهره مالها ري.... بين الهشيم وتستغيث بسحابه
مصفره الاوراق مقطوعه الفي ...يبكي لها سيح الشام وهضابه
النار تكوي ضامري كي... والفكر متشتت وفاقد صوابه

بيت واحد يشمل كل شي وفيه موضوع واحد

كان الوفا ينجب رجاجيل وعيال * عز الله انك واحد من رجاله

وقفت لعيونك على طول طولي * محد عطيته من الغلا نص ماجاك

أقول في نفسي وأنا أعايد الناس * متى بشوفك تكمل افراح عيدي

لو نظرت بعين قلبك شفتني * مامعي مخلوق يستاهل غلاك

موت حسرةوقهرلوإنت تنساني * وأرضى أعيش بسجن بس أنت سجاني

فقع قلبي ثقل طينك ومع شينك طويل لسان * تغلىليش من زينك تحسبك قايدالغزلان

اطلب تدلل بس لا تطلب الشوف * وشلون اشوفك وانت ماخذ عيوني

عمر المسافة ماتعيق المحبين * ويبقى الغلا والشوق ولوهم بعيدين

أشهد إنك رفيعة ذوق حساسة..وأشهد إنك أرق الناس وأطيبها!!

أنت القمر والا القمر صوره منك * والا ان ربي خلق منكم أثنين

خذ عيوني معك لآ نويت تغيب بعدك مافيه من يستاهل أشوفه

يازين صوتك لامر بين الاسلاك * وشلون لاجا مع الصوت صورة

ياليتني جوالك وتضمني بيدينك * وأقرب من الشفة وأبوس خدينك

يا وليف الروح لو طال الغياب * لا تظن أنك عن الخاطر تغيب

حاولت احبك زود عن الناس * واثري نسيت الناس من زود حبك

ليت الفرح في دنيتك دايم الدوم* وليت الحزن لاغاب طول غيابه

يمك حداني الشوق ماني مخير * واللي حداه الشوق معذور لو صاح